Օդեսայում տեղի ունեցավ Ուկրաինայի Հայերի Միության Կանանց Կոմիտեի համաժողովը

01 հունիսի, 2019

2019թ. հունիսի 1-2-ին Օդեսայում ՀՀ գլխավոր հյուպատոս Գևորգ Պետրոսյանը մասնակցեց Ուկրաինայի Հայերի Միության Կանանց Կոմիտեի համաժողովին, որին ներկա էին պատվիրակներ Ուկրաինայի ավելի քան 20 մարզային կառույցներից, հյուրեր Հայաստանից և Ֆրանսիայից։
Ուկրաինայի Հայերի Միության Կանանց կոմիտեի ղեկավար տիկին Աննա Գևորգյանի նախագահությամբ անցած համաժողովին զեկույցներով հանդես եկան նաև ՀՀ դեսպան Տիգրան Սեյրանյանը և խորհրդական Նունե Զաստուխովան։
Համաժողովին մասնակցել են նաև Ուկրաինայի Հայերի Միության փոխնախագահ Դավիթ Մկրտչյանը, Օդեսայի մարզի Հայերի Միության նախագահ Սամվել Տիգրանյանը, «Հայկական լրատու» ամսագրի խմբագիր, Օդեսայում Ուկրաինայի Հայերի միության ներկայացուցիչ Արտեմ Կարաջյանը։
Համաժողովի մասնակիցները նախանշեցին առաջիկայի ծրագրերը և դրանց իրականացման ուղիները։
Համաժողովն ուղեկցվեց մեծ մշակութային ծրագրով։ Հանդես եկան երկրի տարբեր մարզերից ժամանած հայկական կրթամշակութային հաստատությունների սաները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր