Օդեսայի Մեսրոպ Մաշտոցի անվան կիրակնօրյա դպրոցի 15-ամյակին նվիրված միջոցառում

10 մարտի, 2019

2019թ. մարտի 10-ին Օդեսայի հայկական մշակույթի կենտրոնում տեղի ունեցավ Օդեսայի Մեսրոպ Մաշտոցի անվ. երկօրյա դպրոցի 15-ամյակին և Հովհաննես Թումանյանի 150-ամյակին նվիրված միջոցառումը,որին ներկա էին Ուկրաինայում ՀՀ արտակարգ և լիազոր դեսպան Տիգրան Սեյրանյանն, Օդեսայում ՀՀ գլխավոր հյուպատոս Գևորգ Պետրոսյանը, Ուկրաինայի ԱԳՆ և այլ պետական հաստատությունների և տեղի հայ համայնքի բազմաթիվ ներկայացուցիչներ:

Իր շնորհավորական խոսքում դեսպան Տ.Սեյրանյանը վստահեցրեց, որ Ուկրաինայում ՀՀ դեսպանությունըև Օդեսայում ՀՀ գլխավոր հյուպատոսությունը կշարունակեն ընդլայնել և խորացնել կրթօջախի հետ կապերն ու համագործակցությունը: ՀՀ դեսպանը շնորհակալություն հայտնեց Օդեսայի հայ համայնքի ղեկավարությանը,ուսուցիչներին, ծնողներին՝ հայ երեխաների հայեցի կրթութան և դաստիարակության գործում անմնացորդ նվիրումի համար: Հայ դիվանագետը բարձր գնահատեց Օդեսայի մարզային և քաղաքային իշխանությունների բարեհաճությունըտարածաշրջանի հայության հանդեպ:

Օդեսայի հայ համայնքի նախագահ Սամվել Տիգրանյանն Ուկրաինայի Հայերի Միության կողմից պատվոգրեր հանձնեց կիրակնօրյա դպրոցի տնօրեն Էլեն Պողոսյանին, դպրոցի ուսուցչական կազմին, համայնքի այլ անդամներին:

Այնուհետև, հանդիսատեսները դիտեցին Ալեքսանդր Սպենդարյանի ''Ալմաստ'' օպերայի հիման վրա բեմադրված թատերական ներկայացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր