Օդեսայում ՀՀ գլխավոր հյուպատոսը մասնակցեց Լվովում Ուկրաինայի Հայերի Միության եռամսակային համաժողովին

30 սեպտեմբերի, 2016

Սեպտեմբերի 30-ին Ուկրաինայի Լվով քաղաքում կայացավ Ուկրաինայի Հայերի Միության (ՈւՀՄ) հերթական եռամսակային համաժողովը, որին մասնակցում էր Օդեսայում ՀՀ գլխավոր հյուպատոս Հայկ Ղուլյանը:

Ժողովին ներկա էին մարզային և քաղաքային իշխանությունների ներկայացուցիչներ, Ուկրաինայի հայ համայնքների ղեկավարներ և ներկայացուցիչներ, ինչպես նաև Հայ Առաքելական եկեղեցու հոգևոր hայրեր: Բացման իր խոսքում ՈՒՀՄ նախագահ Վիլեն Շատվորյանը միաժամանակ ներկայացրեց նորանշանակ հյուպատոս Հայկ Ղուլյանին՝ շնորհավորելով նոր պաշտոն ստանձնելու կապակցությամբ և մաղթելով արդյունավետ գործունեություն:

Համաժողովի մասնակիցներին ուղղված իր ողջույնի խոսքում Օդեսայում ՀՀ գլխավոր հյուպատոս Հայկ Ղուլյան բարձր գնահատեց ՈւՀՄ գործունեությունը հայապահպանության և Ուկրաինայի հայ համայնքների միավորման գործում:

Հայկ Ղուլյանը նաև առանձին հանդիպումներ ունեցավ հայ համայնքի ղեկավարների և անդամների հետ, պատասխանեց նրանց հետաքրքրող հարցրին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր